Durante o venres continuará a influencia anticiclónica sobre Galicia, con entrada de aire frío nas capas altas da atmosfera que deixará algo de inestabilidade. Así, agárdanse néboas en comarcas do interior que deixarán paso a ceos con intervalos de nubes de tipo medio e alto con posibilidade á tarde de que se rexistre algún chuvasco treboento no interior. Brétemas costeiras entrando polo litoral norte co avance do día. As temperaturas non experimentarán cambios significativos. Os ventos soprarán do norte frouxos en xeral, moderados no litoral.