O Pontevedra Club de Fútbol afronta este domingo ás 12:00 horas en Zaragoza o primeiro encontro do play-off de ascenso a Primeira RFEF para o que "o equipo está cento por cento mentalizado". A Yago Iglesias gustaríalle "vir para casa cunha vitoria", pero prefire ser cauto e ten claro que "é un partido de 180 minutos e dous escenarios distintos. As eliminatorias non se poden tirar nos 90 primeiros minutos, quero gañar e vir a Pontevedra cun paso dado"

O Deportivo Aragón, rival do Pontevedra Club de Fútbol afronta o primeiro partido de play-off de ascenso con "moita ilusión" aínda que tamén "con moitas ausencias" debido ás lesións e á necesidade de nutrir de xogadores ao primeiro equipo. Trátase, segundo o seu adestrador, Emilio Larraz, "do maior reto ao que se enfrontan os nosos mozos esta tempada" especialmente polo "potencial do rival" ao tratarse de "un dos proxectos deste ano máis importantes a nivel nacional da Segunda Federación. Nós sendo quintos entendemos que fixemos unha tempada exitosa e eles sendo segundos teñen máis sensacións de decepción porque o éxito céntrano no ascenso"