Tres nenos resultan feridos nun accidente en Ribadumia con catro vehículos implicados
Por Redacción
Creada e actualizada
Creada e actualizada
Catro coches protagonizaban un accidente na tarde deste luns en Ribadumia ao producirse unha colisión por alcance na que resultaron feridos tres menores de idade, dous deles irmáns, de 12 e 10 anos, ademais dunha amiga de 13 anos.
Os nenos eran evacuados por un familiar a un centro de saúde por precaución, segundo informan o 112 Galicia e servicios de Emerxencias.
Tamén unha condutora de 37 anos resultaba ferida e polos seus medios trasladábase a un centro sanitario. O resto de persoas implicadas resultaron ilesas, segundo informa o Servizo de Emerxencias de Cambados.
O accidente rexistrábase minutos antes das 17.30 horas. Un particular alertaba ao 112 Galicia do impacto dos catro vehículos na parroquia de Barrantes, na VG-4.2. Inicialmente, a persoa que chamaba só sinalaba danos materiais neste impacto múltiple.
Ata o lugar desprazábanse integrantes do servizo de emerxencias de Protección Civil de Cambados, que advertiron da presenza dos tres menores feridos.
Protección Civil de Cambados permaneceu no punto do sinistro á espera dun guindastre que acometese a retirada dun dos turismos accidentados. O carril sentido Cambados-Ribadumia estivo cortado durante arredor de hora e media, ata que finalizaron as tarefas de limpeza.
O 112 Galicia informou tamén os Bombeiros de Ribadumia, Garda Civil de Tráfico e Protección Civil de Ribadumia.
Relacionadas:
-
O PP esixe ao Ministerio de Transportes a mellora do firme das estradas nacionais da provincia
Por Oskar Viéitez |
-
Controlan o combustible perdido por un camión con madeira envorcado na AP-9 á altura de Barro
Por Redacción |
-
Un motorista sofre un accidente e resulta ferido ao intentar esquivar un xabaril
Por Redacción |
-
Aparatoso envorco dun camión no Nó do Pino
Por Natalia Puga | Creada e actualizada
-
Dúas persoas resultan feridas en Cambados ao saír da vía e impactar contra un poste da luz
Por Anxo Lourido |
-
A campaña para controlar o uso do cinto no coche finaliza con 27 denuncias por manexar o móbil ao volante
Por Redacción |